يحقق الفنان اللبناني برهان الشعار نجاحاً كبيراً بأغنيته التي تحمل إسم "باربي" والتي طرحها في الـ15 من الشهر الجاري عبر صفحته الخاصة على يوتيوب.
أغنية "باربي" ذات طابع صيفي، من كلمات وألحان فارس اسكندر، تسجيل فادي جيجي، وقام بإخراج الكليب المخرجة هيفا فقيه، ووصلت مشاهدات الأغنية إلى أكثر من 2,5 مليون مشاهدة.
وتقول كلمات الأغنية:
بتتدخلي بالشاردة وبالواردة
وراسِك معي حتى وانتي شاردة
ضدي عاطول بكل فكرة بطرحا
المهم إنِك شو ما حكيت تعارضي
جنونِك على قلبي ألذّ من العسل
بحسو مخبيلي عشق تقل الجبل
بحقد عاكفّي إذا عن ديكي انفصل
وبحس كل نقطة بِجسمي باردة
باربي باربي
الدنيي خاربة
كاريزما عالحل
وبلا ما تغني ضاربة
إمبراطورة بالحلا أسطورة
سلاح الكون عيونِك
ناقص بس تحاربي
عندِك الإيغو عالية ومتكبّرة
وحلمِك تضلّي على الكل مسيطرة
لكن معي بتصيري طفلة مغنجي
لعبتها قلبي وقلبي خايف يخسرا
بتتدّعي حبي على بالِك ما مرق
وقلبِك الحوت اللي بيتحدّى الغرق
لكن بِسحرِك بعدو ألله ما خَلَق
بشوفِك أنا أجمل مرا وأعظم مرا
