يستمر موضوع الجدل الذي حصل بين الإعلامية ياسمين عز والإعلامية رضوى الشربيني في تصدر الترند.
والبعض أخذ طرفاً مع عز، وآخرون أخذوا طرفاً مع الشربيني.
وفي التفاصيل كان أحد رواد مواقع التواصل الإجتماعي نشر تغريدة ورد فيها أن الإعلامية المصرية رضوى الشربيني قالت: "البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها"، إلا أن التصريح هو في الواقع للإعلامية المصرية ياسمين عز.
وسرعان ما أوضحت الشربيني، حيث كتبت على صفحتها: "وانا اقول الكلام ده ليه.. انا ست عندها كرامه.. كلام العبيد ده مش بتاعي!".
وردت عز، على كلام الشربيني، وكتبت: "كرامة إيه يا أم كرامة بلاستيك أطرافها مطاط، تمط وتنكمش حسب المصلحة والظروف المحيطة”، مضيفة: “مدام بليز كرامتك وقعت منك آخر مرة هناك، ابعتي عبد مظلوم من عندك يجيبها قبل ما تسيح فالشمس، واحكيلنا بالمرة قواعد بيات المرأة الأربعين برة بيت الزوج من غير إذنه".
وتابعت: "سلينا كده في الإجازة لأنك شطبتي محتوى وبقيتي مملة، حتى في تلقيحك مملة، زيرو محتوى زيرو أنوثة، بس الأمانة استرجال ليڤل الوحش، ده أنا مش بس أدوس على الفساتين الماركات ده أنا أدوس على أي حد علشان خاطر الفرعون الصغير الكبير، بعمل ده في الحياة العادية وبقوله في العلن".
وأضافت: "إنما بقى لما يكون في خرابة بيوت بتبوس الجزم في السر وتعمل فيلم مظلوم، وتطلع فالعلن تحكيلنا مأساة المرأة الإغريقية، كده إنتي محتاجة علاج يا مدام، روحي اتعالجي يا مدام، في تشوهات نفسية وشياط وغيرة ويأس بدأ يتجلى ويتفشى ويترعرع في الأنحاء".
وختمت:"بلاش نشغل أسطوانة المرأة الحديدية، علشان المرأة نفسها لو عرفت إنتي إيه هيجيلها صدمة دماغية حضارية، جربي حطي اسمي تاني في تلميحات أو تلقيحات، علشان هنتفرج كلنا وقتها أنا هدوس على إيه تاني غير الماركات، وهو بالمرة نحكي الحكايات، ونسلي الناس في الإجازات".
