طرح الفنان المصري مصطفى حجاج فيديو أغنيته الجديدة "حب مين"، عبر قناته الرسمية على يوتيوب.
أغنية "حب مين" كلمات وألحان عزيز الشافعي، توزيع موسيقي وسام عبد المنعم، وميكس وماستر وتسجيل هاني محروس.
وكان مصطفى قد شوق المتابعين يوم أمس، عبر حسابه الخاص على موقع التواصل الاجتماعي، بأنه سيطرح الأغنية الأربعاء في الساعة السادسة، وقال: "شياطين مش بني ادمين.. بقول لكل واحد او واحدة كانوا في علاقة مؤذية استنوا أغنيتي الجديدة حب مين بكرة الساعة 6 وان شاء الله هتعجبك".
وتقول كلمات الأغنية:
"يا حبيبي اه...يا ليل يا ليل يا عيني يا ليل يا ليل
يا ليل يا ليل يا ليل اه يا ليل يا عين يا ليل يا ليل
يا عين يا ليل يا عين
اللي اخترناهم بعناية في القلب يا قلبي وفي عناية
بنينالهم بالحب بناية هدوها على راسنا على راسنا
واخدينهم قال على الفرازة بقي دي القطعية الممتازة
علشان حبينا اتخمينا وياريت حرصنا حرصنا
دول خدوا مننا اكتر ما أدوا والموضوع زاد اوي عن حده
وبكل بجاحة بيتحدوا ويقولوا ظالمينهم ظالمينهم
الناس دي ضميرهم مفارقهم تعبونا الله ينشف ريقهم
ده طريقنا خلاص عكس طريقهم شوفنا كتير منهم
حب مين حب مين ده كمين ده كمين
كل مرة يجرحونا جرح اجمد
شياطين شياطين مش بني آدمين
أستذه ف الأذى وانا اشهد
ده جمالهم غطي على خصالهم
غلطانة ياعين لو بصالهم وبيجروا ومحدش حصلهم
تعبونا عالفاضي عالفاضي
لا بتوعنا يا قلبي ولا بتوعهم وأمانة نخلص موضوعهم
وبلاش تتأثر بدموعهم كله كلام فاضي
حب مين حب مين ده كمين ده كمين
كل مرة يجرحونا جرح اجمد
شياطين شياطين مش بني آدمين
أستذه في الأذى وانا اشهد".
