كشفت محامية ريم طارق زوجة حسن شاكوش، هايدي الفضالي، مفاجآت عديدة حول قضية موكلتها وزوجها فنان المهرجانات بعد استدعاءه الى التحقيق بسبب اتهامه لزوجته بسرقة نصف مليون جنيه.
وقالت هايدي الفضالي أن حسن شاكوش مثُل أمس أمام جهات التحقيق : "علشان ده ملف جواز وطلاق، والناس ديه لما أتجوزت كانت تريند، جهات التحقيق استدعت شاكوش علشان اتهامات بسرقة نص مليون، وقال كلام مش عايزه أقوله، ولجان إلكترونية تدخل، أي إهانة ليها المفروض تكون إهانة ليك قبليها، حتى لو هي ست وحشة ومش كويسة، لو حد غلط فيها وهي على ذمتك يبقى غلط فيك انت، هي شرفك وعرضك واسمك، هنا مش بدافع عن ريم بدافع عن مبدأ، لو واحد اتجوز واحدة وبقت في بيته ميسمحش يقول عليها نص كلمة، والمفروض يمنع اللي يتكلم عليه، ولما واحد مراته اتهانت يبقى هو اتهان، لما مراتي تتهان يبقى أنا مليش لازمة، ومش موجود، ما بالك بالراجل اللي بيهين مراته، ديه القضية بتاعتي، والمبدأ بتاعي، واللي عايز اتكلم فيه."
وتابعت محامية زوجة حسن شاكوس خلال مداخلة هاتفية مع أميرة بدر ضمن برنامج "ملفات" : "وصلنا إن إحنا ماشيين في إجرائتنا العادية، وهما وقعوا في مصيدة غريبة أوي، امبارح أعلنت أكيد وثيقة ببيانات صحيحة إن الزوجة مطلقة، و هنبدأ نخاطر محكمة الأسرة بأكتوبر علشان ناخد الوثيقة الأولانية، مش المميكنة، وقولت ديه إشاعات فعلًا مكتوب فيها إنها متجوزتش، وهما وقعوا في المصيدة علشان هما معاهم القسيمة، راحوا انهارده عملوا بلاغ إنها أدلت ببيانات مزورة، ليه قاله كده علشان لما ذكرت في تصريحات صحفية، قولت لو أنا اكتشفت بعد ما أجيب الوثيقة وألاقي فيها حاجة مزورة أنا هقاضي المأذون أو من أدلي بالبيانات."
وعلقت أميرة بدر ونوهت الى فطرة مهمة قد تساعد المحامية: عايز أقولك حاجه هنا أنا سألت المحامي سؤال مباشر والحلقة متسجلة باليوتيوب، وسألته هل حسن شاكوش مش عارف إنها أتجوزت قبل كده، قالي عارف بس مش ديه القضية، والكلام متسجل عندي.
فردت محامية زوجة حسن شاكوش على ذلك : وانهارده قالي إنه ميعرفش إن هي مش متزوجة، وإزاي يوم الفرح معرفش إنها متزوجة، وفي تلفيق كبير، وهما وقعوا في المصيدة، وعملوا إجراء انهارده، ومين اللي هيجيب المأذون الزوج ولا الزوجة، المأذون بيدلي الخطبة إمتى.
واختتمت المحامية كلامها: هناخد إجراءات قضائية ضده، طليق زوجة حسن شاكوش، عشان نعرف هو طالع لوحده متبرع، ولا حد شجعك، ومش بستبعد حاجه، واللي يجيي يقول معرفش إن هي متزوجة ديه هرتله.
