تقدمت العديد من الفنانات بالمعايدة للممثلة اللبنانية ماغي بو غصن بمناسبة عيد ميلادها الـ 40 والذي يصادف اليوم في 18 أيلول /سبتمبر.
وتلقت ماغي التهنئة من الفنانات: أصالة، نوال الزغبي، سيرين عبد النور وغيرهن وذلك في صفحتها على أحد مواقع التواصل الاجتماعي وجاءت كالتالي :"
أصالة كتبت "ماغي ياحبيبة قلبي، كل سنة وأنت بخير وبصحّة وعافية، وان شاء الله رح نحتفل سوا بعيدك". وردّت ماغي بو غصن "حبيبة قلبي.. يخليلك عيلتك يا رب.. وانا ناطرتك لنحتفل سوا".
أمّا نوال الزغبي فكتبت "بعيدك بتمنالك الصحة ل ٢٠٠ سنة لقدام والباقي سهل عليكي ماغي بو غصن كل عام وانت بالف خير يا صديقتي الغالية"، وعلّقت ماغي بو غصن على معايدة نوال الزغبي بالقول " من امنياتي انك تبقي صديقتي طول العمر.. يخليلي اياكِ ويخليك بصحتك ونجاحك يا قمر"."
سيرين عبد النور :"هل السنة غير كل السنين .... اليوم كانك خلقتي من جديد ينعاد عليكي بالفرح والصحة والسلام وتضلك حد جوزك وولادك ومحبينك يا رب ... بحبك".
وردت ماغي "شكراً يا سيرين على محبتك.. الحمدالله على كل شي يخليلك عيلتك يا رب ويحميكن.. وانا بحبك كتير سيرو".
