لو خيّروني ما بين السما والنار
بختار الميلة ال كنت انت مختارا
وانْ صدفة بلاك مرق شي نهار
برجّع الشمس لو شرقت ع ديارا
لو عملوا الك تمثال رح هدّم حجارو
وبالدهب ارجع عمّرو تيغاروا الناس
قلّون بحجار الدّني بيقلّ مقدارو
حبيبي ما بيشبهو غير الدهب والالماس
لو عمّروا ع اسمي ميّات القصور
ورشّوا ع دربي زنبق وآلاف الزهور
ما بيقدروا يملكوا ولو نقطة دم من قلبي
محجوز كلّو باسمك ووحدك انت حبّي
آآآآخ شو مشتاقة لغمزة خدودك بوّسها
ولنظرة عيونك ولشفافك شفافي تلمسها
وآآآخ شو صعبة كفّي حياتي بلاك
وشو صعب لو شي دقيقة اقدر انساك
انت الفرح يللي خلق الحلا كرمالو
انت القمر يللي تغنّوا كتير بجمالو
وحدك قادر ترجعني لعمر الولدنة
وتمحي من عمري ايام ولنّو كم سنة .