علّق الفنان المصري رامي صبري على اتهام الفنان عمرو مصطفى له بأخذ مدخل لحن أغنيته "رقصة"، ووضعه في أغنية "يمكن خير".
وقال رامي صبري: "في فرق بين السرقة وتوارد الخواطر، والكلام اللي عمرو مصطفى قاله يدينه، وعيب ملحن كبير ومحترم زيه يطلع يقول على فنان المفروض إنه ملحن ومطرب له مكانته سرق".
وتابع: "عمرو مصطفى خريج كلية حقوق، ولو حد فينا سرقه هيقاضيه بالقانون، لكن أنا خريج معهد موسيقى عربية قسم تأليف موسيقي، ولما تتكلم مع متخصص لازم تعرف إنت بتكلم مين".
وأضاف: "ربنا يهديك، اشتغل أكثر واعمل لنا حاجات جديدة زي الملحنين زمايلك، وركز في شغلك وأنا شخصيا لو عملت عشاني أغنية حلوة هغنيها، عمرو مصطفى لما يغير من نجاح حد بيطلع يخبط في الناس، ومفيش حد فينا عاجبه، كلنا واقعين وبنسرق أغانيه".
وتابع: "رامي صبري مش مطرب، أنا موسيقار زي عمر خيرت وياسر عبد الرحمن، والأستاذ لما يكلم الطالب مش هنتساوى، كلمة سرقة كبيرة ولو أنا عندي مشاكل نفسية مش هخليه يشتغل بالقانون".
وجاء حديث صبري في برنامج "أجمد 7 الساعة 7" تقديم جيهان عبد الله.
