كشفت الفنانة المصرية ياسمين علي عن تعرض إحدى غرف منزلها لحريق بسبب ماس كهربائي، وشاركت الجمهور صورة لسقف الغرفة، وكتبت: "مابحبش الطاقة السلبية والله بس اعمل ايه طيب.
.هاحكيلكم حاجه صغننه امبارح الساعه 2 بليل من العادة ببقي قاعدة مع بابا وماما ويحيي بنتفرج عالتليفزيون قمت عشان اروح اوضتي انام..دخلت الاوضه قعدت دقيقه شامه ريحة بلاستيك محروق ومش فاهمه الريحه جايه من فين فجأة بدون مقدمات وربنا عالم باللي حاقوله (لقيت السقف علي وسعه مولع نار كله بمعني الكلمه وفجأة النار اتشفطت وبقت مختصرة فالشكل اللي انتوا شايفينه ده وقفلنا الكهرباء ورشينا ميه ) كل ده ف لحظات اتاري الجار من فوق في مية بتنزل من عنده عالسقف عندنا فعملت ماس فالكهرباء وحصلت النار اللي شوفتها دي. لو ماكنتش دخلت الاوضه ف التوقيت اللي روحت فيه الله اعلم كان حصل ايه..وقبلها بكام يوم كنا لسه عاملين حادثه بالعربية مع عربية نقل كبيرة
فما تنخدعوش بالضحك اللي بضحكه ..كل واحد له فيلم عايشه ..احمدوا ربنا علي كل لحظة امان انتوا عايشينها بدون ترويع وعدم ستر وماتبصوش لحياة حد ابدا من بره".
