إحتفلت الممثلة اللبنانية ماغي بو غصن، بمرور 16 عاماً على تأسيس جميعة حماية.
وبهذه المناسبة، وجهت ماغي بو غصن رسالة قالت فيها: "من أول ما نوعى على الدني منفتش على ضو، بن نفرح بضو عيوننا، وبن نزعل بينطفي شي فينا، الضو هو الحياة، هو الحب، الضو بيدفي، عكس الظلم اللي كلو قلق، وخوف بالظل الزل بيوعى، العيون بتعمى، والضمير بيغفا، كل شي بيصير بالخفى بيخلا من الدفى، العتمة اللي برا ما بتخوف بتختفي بس يخرقها ضو صغير، بتصير بشعة لما تجي من جوا من قلوب معتمة، بس كمان بتختفي قدام وجوه مضواية عم تشع أمل وحب هالوجوه هني فريق عمل جمعية حماية، كل حدا منكن قرر يكون شعلة بحياة أطفالنا، ينورلو دربو، بنص العتمة الي مارقين فيا برجع الضو لحياتنا، 16 سنة حمعية حماية اللي نضميت لإلها كسفيرة ضوت عكتير حالات وكشفتها، ومشت مجتعنا على ضو، مع كل شرقة شمس كانت حدو ومع كل طلعة ضو كانت حدو، 16 سنة ما خف وهج قضيتها وحياة أطفال كتار نورت بوجودها، 16 سنة عم تضو بيوت كتار وبعدها، واليوم نحنا حدا عم نضو الشمع بعيدها، ما تغمضو عيونكن وتقولوا بالعتمة ما حدا قاشع حماية الأطفال من العنف بكل أشكاله مسؤوليتنا كلنا كلنا إلنا دور وواجبنا نبلغ عن الحالات اللي عم تصير بمجتمعنا ورا البواب المسكرة، الضو هو الحقيقة وكل شي بوجودو واضح، ورا الضو في دايماً أمل، لحقوا الضو".
وعلقت ماغي على الفيديو قائلة: "اليوم الذكرى الـ١٦ لتأسيس جمعية حماية، ١٦ سنة من العطاء والعمل لحماية أطفال لبنان من مختلف أنواع التعنيف والاستغلال ودعمهم. بهالمناسبة فخورة كون جزء من هالجمعية الفاعلة اللي انضمّيت إلها مؤخراً كسفيرة إعلامية. مع بعض.. منقدر نكمّل المشوار ونبني مستقبل أفضل لأولادنا، ١٦ سنة وولادنا بعدن بحاجة للحماية".
