تحدثت الممثلة الكويتية ليالي دهراب، عن المشكلة التي واجهتها مع فريق عمل مسرحية "صنع في الكويت"، مؤكدة أنها تعرضت للغدر في عز مرضها.
وقالت ليالي دهراب: "أنا انغدر فيني بمسرحية صنع في الكويت، وبديلتي كانت تحضر البروفات عشان تحفظ الرقصة. أنا كنت تعبانة وحرارتي مرتفعة في ذلك اليوم، عرضت 6 عروض، وكان باقي عرض واحد قالوا لي بتعملي هذه اللوحة، وامشي روحي ارتاحي، ما كنت مصدقة حالي إنهم مقدرني لهذه الدرجة، قالوا لي بنجيب بديل وبكره يكون عندنا ستة، قلت لهم صدق؟ صدق؟ بتخلوني أمشي وبتقدروني؟ قالوا إيه، دقيت على ماما، وقولت لها بيقدروني يا ماما خلي الدكتور يجي على البيت مو على المسرح ومشيت. ثاني يوم دقوا عليّ قالوا لا تجي، شلون ما أجي؟ قلت أوكي جابوا بديل، مضيفة بغضب: ستة عروض في اليوم يا جماعة ما حد جربها تصوروني بسادس عرض وأنا تعبانة وتقولون هذه ما فيها حيل؟ وايد كذب صار وايد ظلم صار، فاكرة لما حكيت لك عن الظلم، ما بيني وبين الله حجاب، وأنا متأكدة حقي 100% راح يجي. طلع الموضوع من أيام التدريبات في البروفات، البنت قابلتني وقعدت تحفظ الرقصة من وقتها، طلع الموضوع في بالهم أصلاً، أول واحدة اتفقوا معاها أنا وبعدين الباقين فهنا الصدمة، ما أدري وش أقول أنا انغدر فيني ومصدومة لحتى الحين، هذه العداوة اللي معي ليش؟ شنو سويت لكم؟"