شاركت الممثلة المصرية مايان السيد الجمهور مجموعة صور لشخصية "مادي"، التي جسدتها في مسلسل "إمبراطورية ميم"، الذي عرض في شهر رمضان.
وعلقت مايان السيد مودعة الشخصية: "مع نهاية دور مادي، في حاجات محتاجة اوضحها؛ تصرفاتها مش كلها بسبب مرضها النفسي. معظم تصرفاتها و انفعالاتها سببها مشاكل الغضب اللي هي مشكلة مختلفة عن اضطراب ثنائي القطب. وعلى الرغم من ده، ممكن ناس كتير يفسروا تصوير شخصيتها غلط، و ينسبوا تصرفاتها إلى مرضها فقط، وهو شيء مش دقيق. سلوكيتها كمان، زي الصراخ في وش مروان و الخناق والإحساس بالاستياء تجاه الروابط العائلية، هو نتيجة لمشاكل الغضب اللي اتكونت بسبب نشأتها بدون عائلة سوية و العنف اللي اتعرضتله في صغرها.
عدم وجود الحب و الدعم من عائلتها خلاها تعتقد إن الروابط العائلية و العلاقات بشكل عام مؤلمة وضارة و غير آمنة. وبالتالي، غضبها تجاه افراد عائلة امبراطورية ميم و غيرتها من علاقتهم الاسرية، مش من أعراض الاضطراب ثنائي القطب ولكن هو نتيجة لطفولتها المؤلمة. و في النهاية دور مادي و مسؤليتها علي نفسها انها تتعالج من دا عشان تقدر تكمل حياتها بشكل صحي و سليم و دا اللي هي بتقرر تعمله في آخر مشهد ليها".
