شاركت المخرجة السورية رشا شربتجي الجمهور، مقطع فيديو للممثلة السورية إمارات رزق بدور "بديعة"، الذي تجسده في مسلسل "ولاد بديعة"، ووجهت لها رسالة مميزة متغزلة بموهبتها.
وقالت رشا شربتجي: "كنت بعرف أنو اختيار النجمة إمارات رزق لتلعب دور بديعة ح يكون بمكانو و رح تقدر تقَدمو بطريقة ممتازة، عندي إيمان بالموهبة الفطرية الموجودة عندها، بقدرتها على أداء الدور بطريقة صح، ما كان عندها مشكلة تلعب دور الأم وتكبّر حالها بالعمر.
ما بتسأل على إظهار جمالها الطبيعي على قد ما بتهتم بجمالها وإحساسها الداخلي لتقنع الناس بشخصيتها وتخليهم يتعاطفوا معها بكل نظرة عين ودمعة وابتسامة وبدون ما تحكي أي حرف إمارات نجمة مهمة من زمان وكل مرة بتثبت أكتر أنو هي كرت رابح بأي عمل، شكراً لوجودك، كنتي بديعة بحق وحقيق".
