تحدثت الممثلة المصرية عن كواليس مسلسل "حق عرب" التي تشارك فيه من بطولة الممثل المصري أحمد العوضي، مؤكد أنه كان هنالك صعوبة في تصوير المشاهد في شارع المعز بسبب أحمد.
وقالت دينا: "صورنا في أماكن كتير في وسط البلد والمعز ومصر الجديدة، لكن أيام شارع المعز معرفناش نصور بسبب أحمد العوضي لأنه محبوب بشكل غير طبيعي أنا شفت دا بعينيا الناس بتحبه وتستقبله وتوقفه تتصور معاه وهو ليه طريقة في التعامل مع الناس تخليهم يحبوه أكتر وإن شاء الله الحب ده يترجم بنجاح المسلسل في رمضان. بعد نجاح اللي "مالوش كبير" و"الاختيار" بنأكد التعاون بـ"حق عرب" والكيميا اللي بينا هنا اتأكدت وعاملين حاجة إن شاء الله محترمة وهتعجب الناس إحنا في منطقة المغربلين بنت واقفة على ناصية شاي بتساعد أبوها اسمها حنان الغرباوي قصة حب وأحداث كتير، ودراما وشخصية مركبة وفيها أكتر من تحول مش تحول واحد أنا تعبت أوي عليها وكل الصناع تعبوا معايا عشان تطلع الشخصية بالشكل اللي هتشوفوه. رسالة المسلسل هي أن لا يصح إلا الصحيح وأن أي حد بيعمل أي حاجة أيا كانت هي إيه مش بتستخبى بتظهر ولو بعد 100 سنة مفيش حاجة غلط البني آدم بيعملها بتستخبى طول العمر لازم هتظهر".
