فاجأت الممثلة منة داغر، زوجة الممثل المصري حازم إيهاب، الجمهور والمتابعين بعد تصريحاتها عن إصابتها بـErb's palsy، وهو مرض يتسبب فى حالة عصبية في الكتف والذراع، تؤدي إلى ضعف أو فقدان وظيفة العضلات.


وشاركت منة داغر هذه الأخبار بفيديو نشرته عبر حسابها الخاص على مواقع التواصل الإجتماعي، علقت فيه عن مرضها بالقول: "فى حاجة مستفزاني، فحبيت أشاركها معاكم، فى واحدة بعتالي مسج بتوقلي، هاي منة أنا عارفة إن أنتي عندك Erb's palsy، بس كده".
وتابعت منة بقولها: "إيه الـ Erb's palsy ده، أنا عندي مشكلة فى دراعي الشمال، وأنا بتولد الدكتور شدني وهو بيولد أمي من أيدي الشمال جامد، فحصلي مشكلة فى العصب، فعملتلي مشكلة كبيرة فى إيدي الشمال، فمبقتش زى إيدي اليمين، ولا في الحركة ولا في الشكل ولا في أي حاجة".
وأكملت قائلةً: "وعلى فكرة في ناس كتير جدا عندها المشكلة دي، يمكن هي بس بتختلف من حد، وبتختلف خطورتها، في ناس ممكن متبقاش باينة أوي، تبقى حاجة بسيطة يعني ومش مقصرة على أيديهم أوى أو على حركتهم أوي، وفي ناس تانية بتبقى باينة جدا، وواضحة جدا، ومقصرة على شكلهم، وعلى شكل أيديهم، وعلى حركتهم وكل حاجة".
وأنهت بالقول: "بس يعني قصدي إنه أنا حسيت إنى فاجأة كأنى مخبية سر، اللى هو أنا عارفة إن إنتى Erb's palsy، إيه المشكلة، تقبلوا الحاجات اللى عندكم يا جماعة، واتبسطوا وعادي، إيه المشكلة يعني؟ عندى مشكلة فى إيدى الشمال وشكلها مش زي إيدي اليمين عادي، ربنا مدينا حاجات تانية حلوة وجميلة، إيه المشكلة يعني"