أوضحت سارة وفيق مخرجة فيلم "تاج" للفنان المصري تامر حسني حقيقة اعتذار ممثلة عن المشاركة في العمل، وكتبت سارة وفيق: "ردًا على عناوين بعض الصحافة اللي بتستخدم مصطلحات غلط عن قصد أو غير قصد واجب عليا التوضيح، وطبعاً شكراً لكل الصحافة المحترمه اللي بتسعى في نقل الحقيقه وبتتواصل مع الافراد المعنيه للتأكد من صحة الخبر".


وأضافت: "مفيش فنانة اعتذرت عن فيلم تاج لان بالعقل كل اللي تم ترشيحهم يتمنوا فرصة العمل مع اهم نجم عربي، بالاضافة الى ان محدش في النجمات كتب كده عنده، المهم الحقيقه اللي بتتكتب في العلن بمنتهى الشجاعة، كلهم نجمات محترمات بينما في ظروف خاصه أدت إلى اتفاق النجوم على اعمال تجمعهم لاحقاً".
وتابعت: "فيلم النجم تامر حسني معروف كل عام انه الفيلم العربي الوحيد الذي يتم توزيعه عالمياً والحمدلله وهذا الفيلم تحديداً له مواصفات خاصه كونه اول مره يتنفذ في مصر والوطن العربي فا بالتأكيد هو فرصه عظيمه و اضافه كبيره لتاريخ كل من يعمل بالصناعه في اي مجال".
وختمت: "بعتذر عن أي جمله اتفهمت مني غلط في آخر بوست كتبته انا بحترم و بقدر النجمه مي عمر و ماقصدتش اي حاجه اتفهمت غلط بالعكس بحترمها جداً و اي فنان او فنانه اخرى تم ترشيحها عشان لاحظت ان البعض فهم كلامي بشكل تاني ، كل اللي قصدته هو توضيح اللي اتقال من بعض الصحافه اللي كتبت حجات غير اللي اتقالت من النجمات المحترمات اللي تم ترشيحهم للفيلم و كان كله إحترام وحب وصداقه وتمني كل منهم النجاح للآخر ، لكم مني كل الإحترام و التوفيق".