كشفت الممثلة عارفة عبدالرسول عن حياتها المهنية قبل شهرتها، وقالت: "اشتغلت كتير جدًا، بداية اشتغلت مع والدي في محل البقالة في الاسكندرية كنت بشتغل بجد وآخذ مرتب، وأركب العجلة واروح اجيب بضاعة، وأقطع بسطرمة وجبنة رومي".


وتابعت: "جت فترة والدي قالي أنا زهقت من البقالة، وأفكر أفتح محل كوافير لكن دي مش مهنتنا فقولت له هتعلمها، فاشتغلت كوافيرة لمدة سنة لكن المشروع فشل لأننا وسط سوق الحضرة فالاقبال هيبقى صعب أوي والشكل هيكون مش مضبوط".
وصرحت خلال ظهورها في برنامج "كلام الناس" عن أبرز مواقفها أثناء عملها في محل الكوافير وقالت: "كلت نص حاجب واحدة وجريت ورايا بالشبشب وفضلوا يخبوني وقالو لها معلش متعرفش، فقالت لهم لما هي متعرفش موقفينها تشتغل ليه؟".
بالإصافة إلى عملها مع والدها كذلك اشتغلت مندوبة تأمين في شركة الشرق للتأمين لأنها كانت تحب الإستقلالية وقالت: "وفي الجامعة اشتغلت مندوبة تأمين في شركة الشرق للتأمين لأنني كنت اتعودت أصرف على نفسي ومحدش يصرف عليا".