فجع الفنان اللبناني غدي بوفاة والدته صباح اليوم الجمعة.


وشارك غدي الجمهور صورة والدته الراحلة، وصورة النعوة، ونعاها بكلمات مؤثرة للغاية، إذ قال: "الله معك يا حنونة يا جبارة يا ملكة يا مِحبي و يا محبوبة ويا عمري كلو رح تضلك شمعة حياتي والإنسانة يلي بفتخر فيها و بشوف حالي فيها و قصصك ومزحاتك وضحكاتك رغم وجعك كل هالسنين و نصايحك رح تضل ترافقني بكل يلي باقي من حياتي لحد ما نرجع نلتقي، انتي يلي متلك ما بموتوا يا إمي ناطرك كل ليلة تزوريني بمنامي و تخبريني شو عاملي قوق بالسما مع الملايكة مطرح يلي ما في وجع لانو كفاكي وجع على طول 40 سنة ولك لو جبل كان نهدّ و انت ضليتي متل الصخرة عم بتحاربي بصمت و تعلمينا حب الحياة و القوة بهالدني يا أسطورة حياتي انتي يا ماما، هونيك عند يسوع بس في حب وصلا وسلام اليوم ودعتك انا و حبيب البك رافاييل و بوعدك ديماً خبرو عنك و حضّرو فيديواتك معو و علمو يحبك اد ما بتحبيه يا ماما ،الكلام بيخلص هون بس قصتنا خالدة يا إمي يا إم طوني".
ومن المقرر أن يحتفل بالصلاة لراحة نفس الراحلة عند الساعة الثالثة من بعد ظهر يوم السبت 19 تشرين الثاني في كنيسة مار يوسف زندوقة، وتقبل التعازي قبل الدفن وبعده، ويوم الأحد 20 في صالة الكنيسة من الساعة الـ 11 قبل الظهر وحتى الـ 6 مساءً.