شارك الفنان المصري تامر حسني فيديو جديد عبر حسابه الخاص على موقع التواصل الاجتماعي.
ومن خلال الفيديو أبدى تامر حسني دعمه للجيل الحالي، مؤكداً أن ما يواجهونه في هذه الأيام أصعب بكثير مما واجهه من كان قبلهم، من حيث الأوضاع الاقتصادية، والعلاقات الاجتماعية الغير رحيمة، إضافة الى الأزمات النفسية التي يتعرضون لها نتيجة كل الأوضاع، وقال: "الجيل الحالي فعلاً بيواجه فتره صعبه من التخبط، احنا على الاقل لحقنا جيل اهالينا الطيبين وجيل الجيران الرحيمه والصداقات البريئه واحترام الآخر اياً كان مين الجيل اللي علمنا لو ست كبيره راكبه مواصلات وملهاش مكان، نقف احنا وهي تقعد، الجيل الحالي اتولد لقى العالم كله باصص في حياته وبيحكم عليه من خلال سوشيال ميديا بلا رحمه ف اضطر يبقى شبههم ويعمل زيهم جيل مش عارف يبقى في حاله ويركز لنفسه ويقرب من ربنا".
وأعطى تامر بعض الحلول لمساعدة هذا الجيل، من خلال لفت نظر الأهل، للاهتمام بمواهب أطفالهم ومتابعتهم منذ الصغر، وتوعيتهم على ما يخطئ به غيرهم، فقال: "عشان كدا من ضمن الحلول ان اولادنا يحلموا بالنجاح والطموح بدري، لكل الاهالي اتمنى تشغلوا اطفالكم من الصغر في اي اهتمامات ايجابيه، دوروا جواهم هتلاقوا ولو ملقيتوش ساعدوهم يلاقوا بالتوجيه لاي اتجاه رياضي. علمي. فني يشغل تفكيرهم في الايجاب عشان ينفدوا من اللي بيحصل من تفكك مجتمعي وافكار قذره دخيله على ثقافتنا والاخبار السلبيه المحاطين بيها ٢٤ ساعه من السوشيال ميديا، لازم نعلمهم الاستخدام الايجابي الصح للانترنت والسوشيال ميديا والبحث عن كل ماهو نافع ليهم، عشان كدا قيمة الوقت مهمه اللي هنعمل فيها كل دا نبص للوقت انه مهم اوي زي الفلوس و اهم لان الوقت دا الفتره اللي بتفكر فيها وبتشتغل فيها عشان تكسب يعني هو اهميته قبل الماده معقول لو الوقت فلوس هنرميه كدا وهنسمح لولادنا يهدروه كده".
