نشر الممثل المصري مراد رسمي صورة على صفحته الخاصة على موقع التواصل الاجتماعي، للممثل الراحل أمين العسال، كاشفاً عن سبب الوفاة.
وعلق مراد على الصورة قائلاً: "شايفين الضحكه دي، مافارقتوش لحظة رغم إنه وارث جينات ضعف في الأوردة والأوعيه الدموية، وضغط وسكر ومشكلات في القلب، وكان كل شوية يدخل مستشفيات يعمل عمليات تسليك أوردة وبايباس وبلاوي زرقا، من يوم ما عرفته، مفيش سنة مادخلش فيها المستشفى مرتين تلاتة بين الحياة والموت، ده غير طبعا مشكلات في شغله وأخرى شخصية، ومع ذلك كان دايما لاممنا حواليه بالضحكة دي".
وتابع: "أخف روح شوفتها في حياتي، وأمرض جسم شوفته في حياتي، اختلفوا معاه كتير لكن لازم يبكوا على فراقه، عرفتوا ليه التايم لاين مليان بحبايبه؛ لأنه كان شعلة محبة وروح حلوة وأخوة و صداقة؛ لأنه لن يجود الزمن بمثله، لأنه بكل بساطة أمين العسال".
