هاجم الفنان المصري عمرو مصطفى أحد الفنانين، دون ذكر أسماء، وذلك عبر حسابه الخاص على موقع التواصل الاجتماعي.


وقد أثار عمرو مصطفى الجدل، والكثير من التساؤلات بهذه الرسالة الهجومية، حيث قال: "رسالة لجدو، هتبعت ناس ولجان تشتم على الصفحة، ولا هيهز شعرة مني فلوس بترميها في الأرض، هتبعت ناس تقول صوته وحش ملكش دعوة أنا هغني وصوتي وحش، هتروح تخلي ناس تسرب الأغاني هطلع أفضحك، وساعتها هتكون نهايتك بجد".
وأضاف مصطفى: "هتجيب عيال بفلوس تعمل فيديوهات إن الأغاني وحشة، هتنجح غصب عنك لأنها من القلب، هتقول فين المشاهدات، هقولك ملكش دعوة، أنا بعمل الأغاني لنفسي، ومش هدفع فلوس زيك يا جدو علشان الناس تشوفني، 100000 على فيسبوك بشرف أحسن من ملايين مزيفين يا جدو، وفي الآخر اتقل علشان الجاي صعب، نسيت أنك بعت ناس للموزعين اللي بشتغل معاهم في الخارج، علشان أنت قلودة قوي، بس لما تنزل معاهم هفضحك عادي".
وقد تفاعل المتابعون مع هذه الرسالة الغامضة، واعتبر الكثير منهم أن المقصود هو الفنان عمرو دياب، ما يدل على وقوع خلاف بين الاثنين.