أعرب الفنان المصري عمر كمال استيائه بسبب الانتقادات التي تعرض لها في الفترة الماضية من البعض بسبب تقديمة الغناء.
وكتب عمر كمال في منشور له عبر حسابه الخاص على موقع التواصل الإجتماعي ، قائلاً: أنا طلعت لقيت جوايا حب لحاجة اسمها غنا.. سعيت ف السكة ديه وربنا سبب الأسباب والدنيا مشيت معايا و رزقني من وسع بعد ضيقة و تعب .. ممكن أكون صح و بعمل خير وممكن أكون غلط وهخش النار .. ده موضوع هنعرفه ف الاخرة لما نقف قدام ربنا."
وأضاف: أنا لا أخدت رزقك .. ولا سرقتك .. و لا أذيتك .. ولا أنت كنت طالع منحة دراسية بلد أوروبية وأنا طلعت بدالك .. ولا أنا أخدت مكانك ف شغل أو مرتب أو ترقية ف أى حاجة .. انا أخترت طريق ومشيت فيه وبس .. فا الدنيا مش مستاهلة أنك تهيني وتشتمني .. ممكن تتابعني لو شايفني بقدم حاجة تبسطك وتغير المود بتاعك للأحسن".
وأختتم عمر كمال قائلًا:"متابعنيش لو شايفني مش بقدم أى حاجة مهمة ف الحياة .. بس متأذنيش بكلامك عشان أنا بني أدم زيك بحس وبزعل وليا أم وأهل أهانتك ليا بتزعلهم ".
