أطلّت الإعلامية اللبنانية أنابيلا هلال كعريفة في حفل الفنانة اللبنانية ماجدة الرومي في دبي، وقدّمت الأمسية الإستثنائية على مدرّج Media City Dubai بعدما اختارتها هيئة السياحة لتقديم السيدة ماجدة الرومي.
وفي كلمتها على المسرح، توجهت أنابيلا الى الجمهور قائلة:"دبي دانة الدنيا، ما بتنام... ولا القائمين عليها بيناموا... هاجس واحد عطول قدّامن: بكرا! وهالبكرا واعد بإذن الله، وكل شخص منا عم ينظرلو بإعجاب ويتمنّى شي واحد: إنو يكون جزء منو!".
وتابعت بالقول: "هنيئاً لدبي التفرّد والريادة. وعيونّا وعيون كل العرب عالإمارات الي من زمان صارت مثال يحتذى بالتطور والأمان والتنوع والريادة".
ورحبت بالفنانة اللبنانية ماجدة الرمي بكلمتها قائلة: "نجمة كل السنوات، الي ما بتلحق تغيب عن دبي إلا وبترجع تطل؟! شوق الناس بيندهلها، المطارح بتشتقلها، وهيي كمان بتشتاق وحاضرة تلبّي نداء الحب بحب أكبر، وبصوت يحكي لغة القلب والعقل، ويحمل بقوتو وتفرّدو وحنّيتو السلام، الحرية، الحب، الصداقة، وغيرها من القيم الي بتتشاركها مع الإمارات".
وأشادت أنابيلا بصوت ماجدة، قائلة: "الليلة رح ياخدنا صوت ماجدة الرومي الاستثنائي ععالم الحلم، وبالوقت ذاتو رح يوعّي الضمير ويسكن الوجدان...
فإلى سيدة غير كل السيدات، وصوت فوق الأصوات، وكلمات ليست كالكلمات".
