توفي اليوم الممثل اللبناني بيار جامجيان عن عمر يناهز الـ 72 عاماً، وقد نعاه عدد كبير من النجوم، منهم:
الممثلة ليليان نمري التي نشرت صورة معه وكتبت: التقينا بعد سنين وتركتنا بغمضة عين هالمرة ما رح قول شي إلا الصدمة اكبر من توقعاتي يا ريت للَحقت صورت معك هالمشهد الباقي ويا ريت قبلت عزيمتك عالغدا لو عارفتك فالل .

. بخاطرك يا رفيق النجاح من ايام شبابنا .. بخاطرك بيبيرو والى اللقاء بالملكوت ورح نرقص رقصتنا الشهيرة وتعَيط عليي من غيرتك .. الله يرحمك ..حرقتلي قلبي.
الممثلة ماغي بو غصن : فنان كبير وتاريخ طويل وصديق غالي كتير.. خبر رحيلك بيوجَع القلب وبيحزّن كتير.. رح اشتقلك يا صديقي المهضوم والمحبّ.. رح نشتقلك كلنا.. نفسك بالسما بيارو.
الممثل باسم مغنية الذي نشر صورة له وكتب: ولك يا بيار وين فليت؟؟ عم نصور مسلسلين مع بعض بدنا نخلصن. ما بصدق أقعد بالتصوير معك تتضحكني. أبو روح حلوة اشتقتلك.
الممثل وسام صباغ : صدمة كبيرة يا پيارو ، الله يرحم روحك الحلوة اللي فرّحت فيها قلوب الناس لسنين طويلة.
الممثل عبدو شاهين: بيار جماجيان يا ضحكة سما لروحك السلام.
الفنانة ألين لحود: ضيعانك بيار جمجيان..ممثل قدير و روح مرحة..الله يرحم روحك.
الممثل عباس جعفر: بيار جماجيان من وقت كنت تلميذ بهالمدرسة منحبك.