تحدثت الممثلة المصرية أروى جودة عن دخولها الى عالم التمثيل، قائلة: "التمثيل حسيت أني ليه تقل أكتر، بتعبري عن مشاعرك، أنا بقرأ اسكربيتات بتعبر عن أجوبة لأسئلة كتيرة في حياتي".


وتابعت أروى جودة: "حسيت أنه بيدي عمق وحسيت إني مبسوطة في كل مرة أجسد شخصية جديدة، ممكن تكون الشخصية إلي بجسدها عمري ما قبلتها في حياتي، فبتخيل الحياة بتاعتهم عاملة ازاي وبدخل في العالم بتاعهم وده بيعملني فكرة تقبل الآخر".
وأضافت: "أنا كنت ضد التمثيل وكنت شايفة الممثلين كذابين ومكنتش عاوزة اشتغل كذابة، لحد مادخلت الشغل وفهمت يعني أي تمثيل".
وأكملت أروى جودة أثناء حلولها ضيفة في برنامج "كلمة أخيرة" الذي يعرض عبر شاشة ON، وتقدمه الإعلامية لميس الحديدي: "اللي حصل أن أستاذة ناهد رمزي الله يرحمها، كانت بتتنج أول فيلم الحياة في منتهى اللذة بطولة الجميلة منة شلبي وحنان ترك وكنت وقتها لسه كسبانة أفضل عارضة أزياء في العالم في تركيا، وقلتلي تعالي اعملي ثلاثة مشاهد بس، لكني وقتها قلتلها ياطنط بلاش مش بعرف أمثل، وقلتلي هخلي نهى العمروسي تمرنك ورحت وعملت المشاهد الثلاثة".