أكدت الممثلة المصرية المعتزلة حنان ترك أنَّها ستلاحق منتحل شخصيتها على صفحات مواقع التواصل الإجتماعي، وأنها ستسعى لإغلاق كافة الحسابات المزيَّفة التي تنطق بإسمها.


وكان حساب يحمل اسم "حنان ترك" قد أثار ضجةً على مواقع التواصل الإجتماعي، حيث دوّن :"والله اللي عايز مراته حلوه يصرف عليها.. عايزها بتلمع وجميلة وشعرها سايح ونايح إديها فلوس تروح تعمل كل دا وانضف بيوتي سنتر.. عايزها إيدها جميلة وضوافر ومانكير هاتلها خدامة تغسل المواعين وتغسلك شرباتك النتنة.. عايزها جسمها مشدود بعد الولادة أعملها عمليات شد ووديها چيم.. عايزها ناجحة وشاطرة وليها اسم افتح لها مشروع واعملها بزنس خاص بيها.. مش معاك تعمل كل دا يبقي تحترم نفسك وتقدر الست اللي شيلاك وصيناك وهمها راحتك وراحت عيالك واحمد ربنا إنّها مستحملاك".
لم تلتفت ترك لهذا الأمر، إلا بعد أن اقدم أحد متابعيها إلى تنبيهها ، وعلقت قائلة :"شكراً جداً لتعليقك، فعلا دي صفحة بتكتب على لساني، وللأسف في صفحات كتير زيها، وجارٍ التبليغ عنها، ومبسوطة إن المتابعين واعيين وعارفين إن دي مش طريقتي ولا أسلوبي".