نشرت أسما ​شريف منير​، إبنة الممثل المصري شريف منير، صورة لها في صفحتها الخاصة على موقع التواصل الإجتماعي، وكتبت تعليقاً شكرت فيه المتابعين على نصائحهم.


وقالت: بشكر الناس الذوق اللي بتحبني بجد و فهماني و متابعني و يهمها مصلحتي و بتخاف عليا، زي ما بفيدكم انتوا بتفدوني بتعلم منكم و بتطور معاكم…و احب اقول لكل الناس اللي بتدخل في الواحد بشكل عنيف لو عرفتوني كويس هتعرفوا اني بتقبل النصيحة،
لانها في الاخر في مصلحتي، فا بدل ما تغلطوا او تصدروا احكام جربوا تقولوا نصيحة بشكل لطيف الاول مش يمكن تبقوا سبب في حاجة ايجابية حتي بدل ما تغلطوا انتوا كمان؟ كلنا بنغلط محدش فينا ملاك فا لو كل واحد اولاً اشتغل علي عيوبه و بعدين نصح اللي جنبه بشكل في ذوق و احترام حتي لو اللي قدامه غلطان اكيد الكل هنكسب كلنا، فكر قبل ما تهاجم حد، هتقبل الطريقة دي لو حد عملها معاك؟ طب هو انا اصلاً بنصح و لا انا بس بكّسر اللي قدامي!!.".
أما عن الذي يهاجمها فتوجهت له قائلة: "في ناس كانت بتهاجمني من الناحية الدينيه رغم انهم شتمني طب هل ده دينياً تمام؟
و لا كان احسن انك تنصح حد بشكل هادي محترم عشان حتي اكسب ثواب؟طب اللي اتكلم من الناحية الاخلاقية لما تعمل شير و تبهدل حد و تنتقده حتي لو غلطان! كده انت غيرت حاجة للاحسن! و لا خليت ناس اكتر تتجر انها تدخل في المناقشة و تغلط!؟بجد لو كل واحد ما كبرش و سمعنا بعض و صلحنا من حال بعض و عرفنا اننا كلنا بشر ممكن نغلط و مكسرناش بعض اكيد حلنا هيكون احسن".