علّق الممثل المصري محمد محيي على الانتقادات التي طالته بعد اصدار أغنيته "ورقة وقلم"، وكتب : "اخواتي وأعزائي في الغروب، إن شاء الله لما ينزل السي دي هتفهموا أكتر بكتير من دلوقتي، وساعتها هتقارنوه بسي دي مظلوم وتقولوا مظلوم أحلى، اللي هو كان في رأي وقته إنه لا يرتقي لسي دي قادر وتعملها، اللي هو وقته كان في رأي انه لا يرتقي لصورة ودمعة، وهكذا في كل جديد يتقدم، وصدقوني متفهم جداً وأكيد كل واحد ليه ذوقه ورأيه على العين والراس وليهم كل الاحترام والتقدير عندي".


وأضاف: "أنا أستحمل وأستوعب ده حقكوا عليا، بحق محبتنا في الله اللي مفيهاش أى مصلحة بكل تأكيد، وده أرقى وأطهر وأصفى أنواع المحبة، لكن الرجاء الوحيد ليا متختلفوش بسببي وأشوف تجاوز ليكم في حق بعض، الاحترام والتقدير والفهم سمة جروبنا الطيب".
وختم: "أخيرا أدوني فرصة أقدم تجربتي كاملة، وعيشها معايا لو تحب أو عيش مع القديم أو مع فنان تاني، ليك الحق تعبر كيفما تشاء، لكن كمان قدر مجهود وتعب وسهر وعطاء كل اللي بيحاربوا الزمن الصعب وبيضحوا عشان العمل يوصلك في دقايق تسمعها وهما بيعيشوها سنين، أشكركم من كل قلبي أخواتي".