تقدم الممثل المصري محمد ​محمود عبد العزيز​ ابن الممثل المصري الراحل محمود عبد العزيز بطلب يد حبيبته للزواج مفاجئاً إياها أمام جمع من الأصدقاء بطريق رومانسية إذ جثم على ركبته وأمسك علبة وفيها الخاتم ومد يده ليقدمه لها وسط ذهولها وشعورها بالفرح الشديد ونشر مقطع الفيديو الذي يوثق هذه اللحظات في صفحته الرسمية بموقع للتواصل الاجتماعي وعلق قائلاً :"خطيبتي عملتلي مفاجأة عشان عيد ميلادى وبرغم إننا متفقين من أول يوم إننا مش هانفاجئ بعض بأي حاجة بس هي كانت عايزة تفرحني بأي طريقة وجمعتلي أصحابي وحبايبي اللي بجد عايز أشكرهم جداً واحد واحد وواحدة واحدة بجد مش عارف أقولكم ولا اشرحلكم وجودكم فرحني إزاي ووالله ما كنت عايزكم تروحوا".


كما أضاف: "المهم بقا إن أنا من يومين حسيت إحساس أقرب إلى اليقين انها بتحضر لحاجة وقررت جوايا إن لو طلع إحساسي صح أنا كمان لازم أفاجئها وفي نفس اليوم وده كان ردي على مفاجئتها".
وحبيبة الممثل المصري هي فتاة من خارج الوسط الفني وكانت هي البادئة بتحضير مفاجأة له بعيد ميلاده فدعت أصدقاءه وأقاربه إلا أن ​محمد محمود عبد العزيز​ فاجأها هو الآخر، وقدم لها خاتم الخطوبة أمام كل الحاضرين، ليجلس على ركبته طالبا يدها.