أعادت الفنانة اللبنانية نجوى كرم نشر فيديو في حسابها الخاص على موقع التواصل الإجتماعي، بالذكرى السنوية الأولى لإنفجار مرفأ بيروت، وجهت فيه رسالة قاسية للطبقة الحاكمة، قائلة : "كأنو ما صار شي ومبلا صار وكتّر.
. دبحتونا ودبحتو البلد متل كأنو ما صار شي، طفيتو أهدافنا وأحلامنا والبكرا تبعنا، ومتل كأنو ما صار شي، هجرتو ولادنا وأدمغتنا ومتل كأنو ما صار شي، نهبتونا وسرقتونا وفلستونا متل كأنو ما صار شي، وقال شو وبكل وقاحة قالولنا بكرا بيتعودو، ولك يعودكن العمى أقلا شي، مش ملككن نحنا ..ولا محط تجاربكن وحقل لتحقيق أمنياتكن ..ولك لازم ثورة تفوت عبيوتكن تتحسسكن بيلي عم نحسو.. هيدا إذا كان عندكن أساسا فيه احساس يا أولاد الأفاعي.. شغلتو فينا المستشفيات وأطبا النفس.. خليتونا ميتين ونحنا أحياء يا بلا وجدان.. ولك وين ريحة الطيون والزعتر يلي بدلتوها بريحة جتت ولادنا وأهالينا.. وبعدكن عم تتقاتلو عالسلطة؟!! ولك روحو انقبرو فلّو... صاير ومكتّر صاير ومكتّر..بس إنو كأنو الدني عم تشتي.. كيف قادرين تستخفو فينا؟! كيف قادرين تستخفو بعقولنا وأرواحنا؟! مش عم نفهم كيف؟ إذا انتو مش فاهمين مصيبة، وإذا انتو فاهمين مصيبة أكتر".
وعلّقت الممثلة المصرية نادية الجندي على الفيديو: "ربنا يحفظكم يارب من كل مكروه وترجع لبنان باريس الشرق".
وتابعت: "الله يحفظ لبنان وشعبها". وشاركت نجوى مع المتابعين ما كتبته نادية معلقة: "الله يطوّل بعمرك وما يحرمنا من لهفة كل الأحبّة العرب".
