كشف حسام غانم، شقيق الفنان سمير غانم ، إصابة شقيقه بمرض خطير في عينه قبل وفاته مباشرة، والذي كان أحد الأسباب التي أدت لوفاته.
وقال حسام لـ”القاهرة 24″: “آخر مرة زرناه فيها كان سامعنا ودخلنا عليه أنا ودنيا وإيمي، وفتح عينه وعينه فضلت تتحرك معانا وصلينا كلنا، ولكن عينه اليمين جاله فيها فطر، ودي من أوحش الحاجات اللي جاتله وبيسموها الفطر الأسود".
وأضاف حسام غانم بخصوص اللحظات الآخيرة في حياة شقيقه قائلاً: "سمير كان عدى خلاص كورونا، ولكن تعددت الأسباب والموت واحد، وحصله فشل في الرئة والكلى، وأنا كمان جاتلي كورونا وعديت منها، رغم إن نفس الأمراض اللي عنده عندي، ونفس الأدوية اللي بياخدها أنا كمان كنت باخدها، ولكن هو لما اللي حصله إن اليوريا بتعلى في الدم، بيحصل شوية توهان مش غيبوبة".
