هاجم الفنان المصري محمد شاهين مغنّي المهرجانات حمو بيكا بسبب ما حصل بينهما في السابق، عبر صفحته الخاصة على موقع التواصل الإجتماعي كاتباً : "أنا مش بتاع لايف واتكلم بشكل رخيص على موضوع مهرجان مع حمو بيكا بس اللي عمله اسمه غدر وقلة قيمة".


وأضاف: "من فترة كلّمني حمو بيكا في التليفون روحت وسجلنا تراك وبعديها بفترة لقيت بوستر نازل عند واحد من الناس اللي بتصمم البوسترات دي من غير ما أعرف.. كلمت حمو بيكا قولتله إزاي؟.. قالي أنا هنزّل في العيد 6 أغاني.. بكلمه في حقوق الأغنية أقل حاجة في حقي يرد يقولي (أنا هاخد الحقوق كلها) على أساس أن النجم المحترم هيعرفني بالناس على أساس أن النجم المحترم أنا شغال عنده رديت قولتله الكلام ده مش هينفع وقفلت معاه".
وختم هجومه قائلاً: "بعديها بعت لي مصمم البوستر وقالي إن الأغنية مش هتنزل وفوجئت النهاردة بنزولها بدون علمي على أساس إيه، أنا هعرف أجيب حقي كويس بالقانون".
بدوره، ردّ حمو بيكا على اتهامات محمد شاهين، قائلاً: "بخصوص أغنية قلبي شايل وجع، بتاعتي أنا، واللي اسمه محمد شاهين.. أنا مطلبتش إن الأغنية دي تترفع.. الأغنية دي اترفعت وأنا نايم.. لإني قبل ما أنام كنت عامل لايف، إني مأجّل شغلي بالكامل، تضامناً مع إخوتنا في بلدنا التاني فلسطين".
وأضاف: "الأغنية تم فتحها والشير بدون علم مني.. والشركة المسؤولة عن السوشيال ميديا هي اللي فتحتها.. ملحوظة الأغنية دي أصلاً مش من ضمن شغلي.. تحياتي لكل أخواتي وأهلي وجمهوري الكبير اللي بيحبني ويسمعني في جميع محافظات مصر والوطن العربي.. أنت على رأسي".