ردّ الموزع المصري أحمد عبد السلام على تصريحات الفنان المصري عمرو مصطفى التي هاجم فيها الفنانين المصريين عمرو دياب وتامر حسني في برنامج "العرافة".
وكتب عبد السلام على حسابه الرسمي: "مكنتش حابب اتكلم عن حد من زمايلي في الوسط الفني، ولا ده أسلوبي، لكن كلام الملحن عمرو مصطفى، استفزني جدا، أولا تامر حسني فنان ناجح جدا ومجتهد جدا ويستاهل يكون نجم الجيل بفنه وأخلاقه، ده بالنسبة لتامر حسني".
وأضاف: "ثانيا، انت دايما بتستغل اسم عمرو دياب، في أي برنامج ليك عشان تعمل شو، وتروج لنفسك، مش فاهم مع أنه أكتر حد وقف جمبك وكان سبب رئيسي في اللي انت فيه دلوقتي.. وعلى فكرة بقى عمرو دياب ناجح من قبلك بكتير وبينجح دلوقتي من غيرك برضه، وكذلك حماقي والجسمي وكل النجوم اللي ذكرت أسماءهم... كفاية كده ومش هقولك غير كلمة واحدة ربنا يهديك وتركز في شغلك أحسن بدل ما تجيب في سيرة الناس".
