طمأنت الممثلة اللبنانية ليليان نمري محبيها على وضعها الصحي، بعد أن تعرضت لحادث نقلت على أثره إلى المستشفى، وقالت حين تواصل معها موقع "الفن" للإطمئنان على صحتها، وظهر على صوتها التعب الشديد: "اصبحت بحالة افضل، موجوعة طبعا ويجب ان اجري عملية لانه كسر جزء من كوع يدي.

الله نجاني لان الحادث كان يمكن أن يكون أقوى. اشكر كل الناس المحبين الذين اطمأنوا عني واطلب دعواتكم ألا تظهر أي مشاكل خلال العملية".
وكانت ليليان قد نشرت في صفحتها الخاصة على موقع التواصل الإجتماعي، صورة أرفقتها بتعليق روت فيه تفاصيل الحادث، قائلةً: "اوعا تنزلوا من سيارة قبل ما تتأكدوا انو كل شي تمام، معكن غراضكن بإيدكن مثلا أو الجاكيت مش علقانة بالباب أو ما تسكر باب السيارة عالجاكيت وخاصة إذا الشوفور بلا مخ وبيقَلِع بالسيارة متل الطيارة قبل ما يتأكد انو اللي معو نزل وطبش الباب وقلو تمام .. إنتبهوا عا حالكن المجانين كترانين منكون منعرفن بس مش منتبهين إنو مجانين ... نشكر الله قطوع ومرق بس ولا عالبال .. الحمدلله عا كل شي انتبهوا من كل شي كل شي".
وختمت ليليان حديثها شاكرة الطاقم الطبي.
وأضافت: "صحيح إنكسرت إيدي بس بقوة الرب أنا قبضاي".