نشرت الممثلة اللبنانية سارة أبي كنعان على صفحتها الخاصة على موقع التواصل الاجتماعي، إنتقاداً وجهته الى المنتجين والمخرجين، وكيف أن خياراتهم صارت مقتصرة على الجمال والشهرة والصورة الحلوة.


وفي التفاصيل قالت: "اليوم كنت عم بحكي مع صديقة وعم بشكيلها همي عن المجال الفني ... عم نحكي كيف صارت خيارات المنتجين والمخرجين والمحطات مقتصرة على الجمال والصورة الحلوة ... مقتصرة على قديش الشخص مشهور على السوشيل ميديا ... مقتصرة على مين بمون على مين ومين بيعرف مين ولأي سبب بيدعمو ... كنا عم نقول انو للأسف في شريحة كبيرة من صناع الدراما عم تشتغل كرمال الماديات والشهرة والمنافسة ونسيوا الفن والتمثيل والممثلين المخضرمين ... صارت كلها محسوبيات ومصالح مشتركة ونسيوا انو في شي اسمو مواهب وبساطة ووجوه حقيقية بتشبه مجتمعنا ، وبيدّعوا بالآخر انو خياراتن كانت لأسباب تسويقية لانن هني عم يعملو شي جديد ومتميز وحتى لو طلعت النتيجة عاطلة بشيدوا فيها ... ومع هيدا وكلو نحن مراهنين على هالكم حدا اللي بآمنوا بالفن الشريف انو يحاربو معنا لأنو حرام هالمجال يصير سلعة للمراهنات والبيع والمنافع الشخصية بدل ما يكون منصة لدعم الناس اللي عنجد بتستاهل".
ويذكر أنها أرفقت ما نشرته بصورة لها من مسلسل "حوا".