في "​عندما يكتب القارئ​" ننشر قصائدكم وآراءكم في المواضيع الفنية، لتكون لمحبي كتابة الشعر فرصة ليوصلوا قصائدهم إلى أكبر عدد من القراء، إضافة إلى تلقينا آراء القراء في مختلف المواضيع الفنية ونشرها.

بقلم رانيا الحلو

مشهد 1 : داخلي نهاري - منزل لورا
لورا في الخمسين من عمرها ، تنقر الكوسا في صالون منزلها و هي تشاهد مسلسل لبناني و تعلق على المسلسل
لورا : ولي مجدوبة كيف على شو حبيتي ، منو منتوف ، ما معه ولا ليرة و طالع من الحبس ، يخرب بيتكن ما اهبلكم ، ملكة جمال لبنان اه ، تضربي انا لو عندي جمالك ياي شو كنت عملت
تدخل عليها جارتها روزين لتقاطعها
روزين : اه شو كنت عملتي ؟
لورا : يا اهلا بروزين ، بتحطي مسلسل لتتسلي بسمولك بدنك ، بنت متل القمر ومعلمة حبت خريج حبوسي و مأفلس ، عجبك بقا
روزين : اه انا حبيته خريج حرب واطرش
لورا : من زمان كانوا الرجال غير ،
روزين : دخيلك شو كل الرجال متل زوجك المرحوم
لورا: انا قلتلك خدي بطل حرب
روزين : ضرب واكلناه ، عم بحضرمسلسل تركي بياخود العقل
لورا : ليش فيكي عقل لياخدو ، وينو ابنك عيسى على اساس بدو يمرق يغيرلي جرت الغاز
روزين : هيدا جهلان صاير ، حاطط عينو ع بنت بيت كرم
لورا : يا لطيف، من كل عقلو بدو عفيفة تكون حماته
روزين : يصطفل انا قلتلو ، شو بدك بهالعلقة ،
لورا : هلق البنت غير امها ، بس الواحد بيتجوزالعيلة ، ليكي انا راح المرحوم وتركلي عيلته ، الله لا يحطن بديار حدن
روزين :يي ولي هلق الشيف راني على التلفزيون حطي لنشوف شو طابخ
لورا : بعد هالعمر بدك تتعلمي الطبخ ، انا ما بفهم علين شي ، طباخين اخر زمن ،
روزين : ما في شي بيطبخو في بلاقي عنها بالدكان
لورا : اه ولشو بدك تحضري
: لشوف المذيعة شو لابسه . قطع .

إلى القراء الذين يرغبون بأن ينشروا قصائدهم، أو أن يعطوا آراءهم في المواضيع الفنية، يرجى إرسال قصائدكم أو آرائكم وصورة لكم عبر البريد الإلكتروني news@elnashrafan.com.