أعلنت منى السابر طليقة الفنان البحريني محمد الترك ووالدة الفنانة حلا الترك في بث مباشر أطلت به على متابعيها في صفحتها على موقع للتواصل الاجتماعي بانفعال خبر صدور حكم الاستئناف بسجنها لمدة عام مع النفاذ في الدعوى المرفوعة ضدها من ابنتها، وقالت إنها لم تكن تتوقع أن تأتي ابنتها حلا الترك وتشهد في المحكمة ضدها.


وكشفت السابر الأمر وهي منهارة تماماً وقد اغرورقت عيناها بالدموع موجهة رسالة الى ابنتها حلا بالقول :"كنت بتمنى على بنتي توقف وقفة حق، وبقلها شكراً حلا على الهدية اللي اهديتني اياها هلق بعيد الأم، وبكرا بس بتتزوجي وبصير عندك ولاد بتعرفي شو قيمة الأم، بقلك يا حلا شكرا كتير".
وأضافت: "طبعاً صَدَرَ حكم أول واستأنفت، واليوم صَدَرَ نفس الحكم في الإستئناف، ما تغير ولا شي من الحكم، وطبعا بدو وقت هلق لحتى لنقدم للمحكمة أحكام بديلة لأنو أنا حاضنة وأنا عندي ولد، لأن الحكم صَدَرَ سنة نفس الحكم الأولاني مع التنفيذ ف رح ناخد إجراءات ورح تاخد وقت"، واستكملت :"إنشاء الله خير وأنا ما كنت عم بحكي هالفترة لإني بانتظار صدور الحكم، طبعا إنتو عارفين مين السبب الرئيسي اللي هي الأب والجدة، هما والعم واللي حواليهم، أنا ما إلي غير الله وإنتو"، وختمت :"أنا عارفة إن حلا هلق عندها علم بالحكم، وأنا ما كنت متوقعة في المحكمة إن بنتي توقف ضدي، يعني موقف للحين أنا مو مستوعباه، ما رح تعرف قيمة الجرح اللي سببتلي إياه إلا بس تتزوج ويصير عندها ولاد".