نشر الفنان المصري تامر حسني فيديو له خلال لقائه بمعجبة تعرضت لحادث أفقدها الذاكرة ولم تكن تتذكر عائلتها الا انها لم تنس الفنان تامر حسني.
وقالت بيرهان انها اصيبت بالشلل لكنها أصرت على المحاولة وهي تأخذ الدعم من أغاني تامر وتحسنت حالتها الصحية كثيرا.
وعلق تامر على الفيديو الذي نشره لهما : "يا بيرهان أنا اللي فخور بيكي وفرحان بيكي أكتر من أي حاجة، وكلامك شرف كبير ليا وفرحة كبيرة لقلبي إني أكون داعم بعد ربنا لشفائك ودي حاجة كبيرة جداً بالنسبالي أنا فرحان إني شوفتك وسمعت قصتك أكتر ما أنتي فرحانة بمقابلتي وبكتير كمان والله، يا رب أشوفك بكامل الشفاء قريب جداً وبدعوات كل اللي شافوا قصتك".
وتابع: "رغم صعوبتها وصعوبة الحادث الأليم اللي اتعرضتي له ونتج عنه وفاة والدتك الله يرحمها وفقدان ذاكرة لفترة وشلل مفقود الأمل في شفائه، وكل الصعوبات اللي مريتي بيها في رحلة علاجك، بشكرك لإرادتك العظيمة للعودة مرة تانية لحياتك الطبيعية، إنتي درس كبير يتعلم منه كل إنسان فاقد الأمل في شيء بشكر قرايبك واخواتك اللي رتبولك المقابلة دي عشان فعلاً هما نِعمَ السند والضهر ربنا يحفظك ويشفيكي ويشفي كل مريض".
