مع نهاية مسلسل "ع إسمك" الذي كانت آخر حلقاته الليلة، والذي حقق نجاحاً كبيراً ونسبة مشاهدة عالية، علّق نجوم العمل وأبطاله موجهين شكرهم لكل فريق عمل المسلسل، وللجمهور الذي تفاعل معه منذ بدايته، ونذكر منهم:
الممثلة ليليان نمري التي نشرت عبر صفحتها الخاصة على موقع التواصل الإجتماعي صورة لها وعلّقت بالقول:"كل مرة بقول ما بدي اتأثر وابكي اخِر حلقة من اي مسلسل بكون فيه وما عم بقدر .

. تحية من قلبي لكل ابطال المسلسل كل عمل وانتو بخير وتضّلوا تقدموا إبداعات ، بدي اشكر كل شخص اشتَغل بهالعمل من قلبو".


الممثلة كارين رزق الله نشرت صورة لها مع الممثل جيري غزال من زفافهما في الحلقة الأخيرة، وعلّقت بالقول:"اخيرا .... عقبال العايزين".


الممثل جيري غزال نشر أيضاً الصورة نفسها وعلّق بالقول:"سوا... عالبرغل والبندورة، الليلة بيخلص مشوارنا، مشوار كان حلو كتير. بنهاية هالعمل، حابب إشكركن شخص وشخص، لأنو الحب اللي لمستو منكن بهالفترة بيفوق الوصف، على كل كلمة، كل رسالة، كل تعليق. انشالله نكون قدرنا سهّلنا شوي هالفترة الصعبة عليكن وفوّتنا شوية حب وإيمان ع بيوتكن وين ما كنتو عم تحضرونا حول العالم. شكر كبير لأحلى كاتبة ومخرج وفريق عمل قدر ينتج هالمسلسل بأصعب ظروف ممكنة، ولهالشاشة يللي حاضنتني متل بيتي. انشالله منلتقى بأعمال تانية، وانشالله الحب دايماً بيلاقي طريقو لعندكن، لو مهما ظروفو كانت صعبة".


الممثلة فيفيان أنطونيوس نشرت صورة تجمعها بكارين وجيري وليليان وعلّقت بالقول:"بدي قول مبروك لكل يلي تعبو تيطلع المسلسل كتير حلو انطرونا بعمل جديد".


الممثل شربل زيادة نشر صورة مع كارين وعلّق بالقول:"وهيك خلصت قصتنا, الف شكر لكل الاصحاب الزملا الي شاركوا بالمسلسل، للكاتبة كلوديا مرشليان، المخرج فيليب الاسمر ولكل شخص اشتغل وتعب ورا الكواليس. وشكر كتير كبير لشاشة".