ردّت الإعلامية المصرية ريهام سعيد على الهجوم الذي تعرضت له خلال الساعات الماضية بعد عرض حلقة يوم أمس من برنامجها "صبايا الخير"، وذلك بسبب عرضها خلال الحلقة فيديو ظهرت فيه من رحلة صيد ثعلب وتقييده أمام الكاميرا، وهو الامر الذي أزعج المشاهدين.


وقالت سعيد في مقطع فيديو نشرته عبر صفحتها الخاصة على أحد مواقع التواصل الإجتماعي:"الناس داخلة فيا شمال أوي، وأنا اتخضيت الصبح، ومكنتش متوقعة خالص كدة، ومبدئيا أولا أنا اضايقت جدا، ومش مبسوطة إن أي حد يضايق من حاجة في البرنامج، وأنا كنت حريصة المرة دي".
وأضافت: "عشان كدة أنا طلعت كل الصور اللي عندي، والكل هاجم ومحدش شاف الحلقة، وأنا قلت إني طول حياتي متربية في بيت كله حيوانات، وكان عندي قنفد وسنجاب، وثعابين، وطلعت كل الصور اللي ابني فيها ماسك القرد والشمبانزي وكل الحيوانات، وبيناموا جنبنا في السرير وبتاع، ففكرة إني واحدة معندهاش رحمة مع الحيوان؛ دي حاجة أي حد قريب مني عارف إن ده مش حقيقة، وأحب أعتذر لو في حاجة ضايقتكم".
وكانت أعلنت شبكة قنوات "النهار" إعتذارها للمشاهدين عما عرض في الحلقة، وحذفها لها عن جميع منصات السوشيال ميديا و"يوتيوب"، كما أكدت إحترامها لحقوق الحيوانات.