أحيا الممثل السوري ​قيس الشيخ نجيب​ الذكرى الثامنة لوفاة والده الممثل والمخرج السوري ​محمد الشيخ نجيب​ برسالة مؤثرة، أعرب فيها عن إشتياقه له.
ونشر عبر صفحته الخاصة على موقع التواصل الإجتماعي صورة لوالده وأرفقها بتعليق قال فيه:"أكتر شي بيعزي غيابك .. وقت بشوفك بعيون الناس يلي بيعرفوك و يلي ما بيعرفوك لما بيلتقو فيي و يقولولي الله يرحم ابوك و بتطلع من القلب .. ذكرك دائما في محبة و احترام و بسمة و لمعة عين".
وأضاف:"حفرت مطرحك بقلوب الناس بدون اي كذب أو إدعاء . كنت حقيقي مع حالك و مع الآخرين لحد الثمالة وكنت مآمن بيلي حاسس فيه و بدك توصلو لدرجة التمرد و بنفس الوقت كنت الانسان يلي بيعشق الحياة باكبر و اصغر تفاصيلها".
وتابع:"صارو تمن سنين يا أبو قيس وكل لحظة بتذكرك و بتخطر عبالي فيها بشوفك عّم تبتسم و عيونك عّم يضحكو".
وختم بالقول:"الله يرحمك بابا حبيبي و يجعل مثواك الجنة، ويرحم جميع أحبابكن و يصبركن على فراقهن".