دخلت الفنانة اللبنانية ​ميريام فارس​ على خط المواجهة، بين الفنانة اللبنانية ​نانسي عجرم​ والفنانة اللبنانية ​إليسا​، بعد منشور نانسي الذي إنتقدت فيه ما تم نشره في الحلقة التكريمية لإليسا عن أنها هي الأولى بالأرقام على مواقع التواصل الإجتماعي، وظهر بوضوح دعم ميريام لنانسي ضد إليسا، وأيّدت كلامها، وكتبت: "عزيزتي نانسي للأسف نحن بلبنان، رائحة الفساد والنفاق والمحسوبيات تفوح من كل مكان...".
وكانت نانسي قد كتبت في صفحتها الخاصة: "بفكروا إنو المهذب ما بيعرف يرد لأ المهذب ما بِرِد لأنو ما تعود ينزل لمستوى السخافات". وتابعت: "إن كان بالأغاني أو بالكليبات أو بالحفلات أو بالنجاحات أو بالإطلالات.. وحتى بالأرقام ما بدها القصة غير Calculator".
لترد إليسا عليها، قائلة: "يمكن تغريدات نانسي انفهمت غلط، أو يمكن هيي مزعوجة من موضوع معين، بس هالشي ما بيمنع إنو نانسي عجرم نجمة كبيرة ورح نبقى نتنافس تا أنا إسبقها وهيي تسبقني لأنو هيدي هيي المنافسة الشريفة".
وأضافت: "خليني إحسم الجدل من الآخر. نانسي وهيفا ونجوى ونوال وأنا وكلنا نجمات، وكلنا منسبق بعض ومنتسابق بالأرقام وبالأعمال، وهيدي منافسة شريفة ودليل صحة بالوسط الفني. نحنا بوضع مفروض كلنا ندعم بعض بهيك ظروف، ونزرع محبة وكلمة حلوة، مش متل بعض الناس الدخيلين اللي عم يخلقو فتن".