واجه مطرب المهرجانات المصري حسن شاكوش مجدداً إتهاماً بسرقة الفنان المصري محمد حماقي، لناحية فكرة كليب أغنيته الجديدة "بسكوتاية مقرمشة" التي طرحها مؤخراً، وذلك بعد إشارة المخرج مصطفى عامر الى أن فكرة الكليب مسروقة من فكرة كليب "راسمك في خيالي" لحماقي.


وبعد محاولات عامر للتواصل مع الشركة المنتجة لحل الموضوع وديًا، ورفضهم للحلول المقترحة من جانبه، تقدم عامر بشكوى لـ"يوتيوب" الذي اتخذ كافة الإجراءات القانونية، والتي انتهت بحذف كليب الأغنية.
وكان كتب عامر عبر صفحته الخاصة على أحد مواقع التواصل الإجتماعي :"ده أكبر دليل إن اللي بيقدموه بعيد تماماً عن الفن لأنهم فقرا فن وماعندهمش حاجة يقدموها ودايماً بيعتمدوا إنهم يسرقوا مجهود الفنانين الحقيقيين، والـ4 دقايق اللي بتشوفوها كفيديو كليب بياخد من أي مخرج وقت طويل، مثلا كليب راسمك في خيالي واخد مني تحضير أسابيع وتفصيلة الإنترو لوحده واخد مني ومن اللي اشتغل عليه وقت طويل في التحضير وتفصيلة الـsound effect لوحدها واخدة تحضير لإن فيه رسم الصوت على الخطوة وحركة الإيد وتفاصيل تاني كتير".
وأضاف: "فلما ييجي حد يريح نفسه على حساب تعبك ويسرق مجهودك فدي حاجة فعلا تضايق ومش عارف هنفضل لإمتى ساكتين على السرقة دي والمفروض إن هما كمؤديين ما يسمى مهرجانات بقى ليهم إسم وجمهور المفروض يحترموهم ويحترموا المهنة وصناعها لكن للأسف مش بيحترموا حد".
من ناحيته رد شاكوش على الاتهامات التي وجهت إليه بسرقة فكرة الكليب بقوله: "كل ما أقدم حاجة يقولو إني سارقها من حماقي، يا جماعة أنا مطرب مش مخرج، بأقدم اللي بيتقالي مش بألف من دماغي".
يشار إلى أن شاكوش كان واجه إتهاماً من قبل بسرقة لحن أغنية "حاجة مستخبية" لحماقي بأغنية "بنت الجيران" التي جمعته بمطرب المهرجانات المصري عمر كمال.