إتهم الممثل المصري الكوميدي رضا حامد زميله الممثل المصري عادل إمام بتجاهل موهبته، وذلك بعد أن حقق نجاحاً كبيراً معه في المسرح، ثم شارك معه في فيلم "أمير الظلام" وحينها بدأت الصحافة تشيد بأدائه، بحسب قوله.


وقال حامد :"حد من الأشخاص القريبين من عادل إمام قالي إنت مكسر الدنيا، عادل إمام مش هيشغلك معاه تاني، قولتله أنت كداب، وروحت له المسرح وطلبت منه أن يبقي ليا الدور كخطوة تضيف ليا أكتر في العمل الجديد اللي بيتم تحضيره".
وتابع: "رد عليا وقال لي: لأ يا حبيبي خلاص، أنا قدمتك وخلاص اشتغل بعيد عني، استغربت وقتها، لكن في المسرح أنا مكنتش بضحك كتير، فكملت معاه في المسرح ساعتها، قلت عليا وعلى أعدائي وكسرت الدنيا ضحك"..
وأوضح خلال حلوله ضيفا على برنامج "90 دقيقة" الذي يقدمه الإعلامي أسامة كمال ويعرض عبر شاشة "المحور": "سعيد عبدالغني بعدها كان معايا على المسرح والناس كانت ميتة من الضحك زعقلي وقالي عادل واقف في الكواليس، خلص بقي أنت هتترفد وأنا هاخد 15 يوم جزا بس مهمنيش اشتغلت وقعدت أضحك الجمهور وفي الآخر حصل خلاف من الإدارة كان وراه حد وتركت المسرحية".