ردّت الإعلامية المصرية دعاء فاروق على الجدل الذي اثير بعد حديثها مع إمرأة قامت بسحر للتفرقة بين الزوجين، وتواصلها مع رجال على الهاتف.
وكتبت دعاء على حسابها الخاص: "لم أكن أتخيل كل ردود الأفعال اللي جت على الحلقة إياها بتاعت السحر للست إياها.. منهم من قال وهو واثق قوي إننا مفبركين المكالمة .. وهو الشيء الذي لم يحدث وربنا عالم ويحاسبني على مدى صدقي من عدمه.. ثم أنا خيالي مهما كان واسع ومؤلفة جبارة مش هعرف اعمل السيناريو الجبار المذهل ده .. كنت أطلعها ندمانة طيب عشان يبقى الموضوع دراماتيكي مؤثر، ده قلب موجة كوميدي والناس ضحكت عليه وعملوا نكت وافيهات اكتر من العظة اللي المفروض ياخدوها".
وتابعت: "أما بخصوص الريأكشنات.. فأنا مش قادرة أفهم هي كان فيها ايه عشان يحصل كم ردود الأفعال الرهيب حواليها بالشكل ده، لدرجة إن الناس فرغوها وعملوها ستيكرز وايموجيز وصحيت لقيت كل الناس باعتينهالي، مشكرين على كل هذا الاهتمام بالحلقة اللي تعدت السبع ملايين مشاهدة في أقل من يومين، الغريب هو كمية القصص الحقيقية من ناس أعرفهم شخصيا اللي اتعملهم سحر وبعتوا حكوا لي وقائع عجب العجاب، شكلنا هنكمل الملف ده لان فيه مصايب كتير".
وختمت: "أخيرا.. نداء لأم محمد يا رب تتوبي بجد.. لأن لو موصلكيش بعد كل ده إنك عاملة مصيبة سودا ولازم تندمي ندم عمرك يبقى الناس عندهم حق يشنوا عليكي وعلى اللي زيك كل الهجوم ده".
