كشف الممثل المصري ​أحمد السقا​ عقدته بالحياة والتي جعلته يفكر دائماً في وفاة والده وينتظر يوم رحيله، وقال :"أنا اللي كسر شوكة الدلع فيا والدي الله يرحمه لما توفى، والقصة أن والدى كان كبير فى السن لما أنا اتولدت وكنت لما بروح المدرسة كنت بشوف أولياء الأمور صغيرين وأنا شايف أن والدى كبير جدا فى السن وقتها."
وأضاف :"أنا عشت بعقدة عندي من صغري مستنى اليوم اللي والدي هايموت فيه، وعلى فكرة أنا كنت بغطى نفسى في الشتاء وأعيط لما أفكر في الموضوع ده".
وتابع :"إتكلمت في مرة مع والدتي في الموضوع ده وقالتلى بلاش كلام فاضي.. ربنا موجود ويديله الصحة ويخليهولك وبلاش الوسوسة، لغاية لما جه اليوم اللى ربنا مقدره واتوفى ورحل عن دنيانا، ويومها فوقت وصحيت من النوم اللي كنت نايمه".
يذكر أن تصريح السقا جاء خلال حلوله ضيفاً على الإعلامية ​وفاء الكيلاني​ في برنامج "السيرة" المذاع على فضائية dmc.