تم تكريم الفنانة الجزائرية كنزة مرسلي في بلدها الجزائر من قبل وزارة الثقافة والفنون بعدها قيامها بحملة ترويج للزي التقليدي الجزائري، وعبرت عن سعادتها الكبيرة بهذا التكريم، خصوصاً أنه من وطنها.


وكشفت عن أنها منذ صغرها تحلم بتجربة هذا الشعور تلقي تكريم من وطنها وبالفعل حققت هذا الحلم، داعيةً الجميع أن يحلموا، فلا هدف في الحياة مستحيل.
ونشرت كنزة فيديو من لحظات تكريمها، وكتبت تعليقاً :"تكريم الفنان من بلده عنده طعم خاص، هاد الجملة لاطالما سمعتها وانا طفلة لما كنت نشوف مختلف و أكبر الفنانين يتكرمو من بلادهم ، كنت نقول يا درا علاش كلهم يقولو نفس الجملة !؟ زعما كيفاش داير هاد الاحساس ؟! و هل رح يجي يوم و نحسه ...؟
و راهو جا النهار اللي وقفت فيه نفس الوقفة و حسيت نفس الاحساس و ربما اعمق لان التكريم جا من طرف جهة رسمية كوزارة الثقافة و الفنون، هاد الشي اللي يزيدني فخر واعتزاز بانتمائي لهذا البلد العظيم و شعبه الأعظم ...".
وأضافت كنزة :"و الحاجة اللي حبيت نوصلهالكم انه اذا عندك حلم او حدس معين ، اتمسك بيه و عمرك ما تقول لاااا راني نتخايل او لا راني نحلم في باطل !أمن بنفسك و ثق بيها و ما تستسلمش و ساعتها كل الأحلام ستصبح حقيقة مهما طال بيك الزمان مهما قابلت ناس محبطة في بداياتك اللي تحاول تهدمك و تقلل من طموحك و قدراتك ... اغلق ودنيك و عينيك عن هاد الاشياء و افتحها فقط للتطلع على كل ماهو خير ليك و يخدم اهدافك ...
مادابيا كل واحد يكتبلي هدف حاب يحققه و مازال ما تحققش ! نستنى تعليقاتكم".