إلتقطت الممثلة اللبنانية برناديت حديب صورة لها على طريق السيلفي خلال مرورها بمسرح الجميزة الذي تضرر بشكل كبير بسبب انفجار المرفأ.
وعبّرت برناديت عن حزنها للدمار الذي لحق به وعن شوقها للوقوف على خشبة المسرح بشكل عام، خصوصاً بسبب الظروف الاستثنائية التي فرضها فيروس كورونا، وعلقت :"نكون أو لا نكون تلك هي المسألة!! اليوم بمسرح الجميزة ببيتي التاني يللي نصه طار بإنفجار بيروت جربت اسأل حالي رح نقدر نرجع نعمل مسرحيات متل قبل وللأسف ما لقيت جواب بس لقيت أسئلة عم بتكر ورا بعضها ...
لنفترض قدرنا نرمم المسرح ، رح نقدر نعمل مسرحيات ونعرضها للجمهور؟؟ رح نقدر نخاطر ونوقف قدام بعض بدون ما نخاف يكون حدا من الممثلين عنده كورونا؟؟ اذا لغينا هالاحتمال واشتغلنا واذا قبلنا بالتباعد الإجتماعي يعني رح تكون نص الصالة او أقل من نصها جمهور... قديه رح نقدر نبيع البطاقة؟؟ هل الناس يللي انسرقت مصرياتها ويللي مش عم تقدر تاكل رح تقدر تشتري بطاقة وتجي تتحضر مسرح؟؟
داقت فيي الدني وعزت عليي الوقفة عهالخشبة...
وقلت بهالبلد يمكن تكون آخر مرة بوقف عالمسرح وأخدت سلفي جربت ابتسم متل ما معودتكن بكل صوري بس ما كتير زبطت معي سامحوني...
نكون أو لا نكون ؟! يجب ان نكون بالرغم من كل شيء...".
وعلّق الممثل اللبناني سعد حمدان على الصورة والتعليق كاتباً :"حبيبة القلب دمعتك قوة ووجودك بهالمكان الو رمزيتو، المشوار طويل وبيروت ست الدنيا رح ترجع اجمل مما كانت بناس متلك".
