خرجت الفنانة اللبنانية هيفا وهبي عن صمتها لتعبّر عمّا يجول في خاطرها وفق ما شاهدت من أمور إستفزتها، خصوصاً في ما يخص المأساة التي يعيشها اللبنانيون بعد إنفجار المرفأ وتلهّي بعض الناس بالقيل والقال بدل التركيز على ما يفيد.
وانتقدت هيفا أحد الصحافيين من دون أن تسمّيه والذي وفق قولها "اللي مفكر حاله صحفي ويتورط مع الأغبياء وينشر حيالله شي حتى لو الخبر مأخذ من سطل زبالة!!وفلان قال وفلانة ردت وللقرف بقية..لأ على فكرة عنا مصيبة لبنانية كبيرة وبعدنا عايشينا وإذا إنت نسيت فهيدا شأنك بس ما تجرب تسمح لحالك تتعامل معنا على اننا خلصنا وتجرجرني معك لمواضيع مش وقتا ولا رح اسمحلك تستغل عدم ردي على اني ساكتة وما عندي علم لا بس مش وقتا".
وكانت هيفا بدأت منشورها الذي شاركته مع متابعيها عبر خاصية الستوري في صفحتها الرسمية على أحد مواقع التواصل الاجتماعي فكتبت :"لو ركزنا بالشعوب رح نلاقي كل شعب عندو مشاكل بدو عمر فوق عمرو لتنحل وتنتهي بس الشعب كل همو بس انستجرام وفيسبوك ومين ركب على مين ومين زفت مع مين وهيدي كذابة وهيدا ممثل".
وأضافت :"العالم بعدا تحت الأنقاض وإنتو همكن تغنوا كاراوكي على مصايبنا نحنا شعوب بتستاهل اللي عم بيصير فيها ما كنا نتعلم من كل هالفترة اللي مضت انه ربنا صار باعت مليار رسالة بس لأ!! التفاهة أهم !النميمة أهم!! الشماتة أهم!! تركيب الرموش بهيدي الطريقة أهم!! وتفاهة ما بعدا تفاهة !!والسرّاق تمام والمسروق بيستاهل".
