اشادت ​سارة وفيق​ مخرجة فيلم "مش انا" ببطله الفنان المصري ​تامر حسني​، وكتبت سارة عبر حسابها الخاص: "من ساعة ما خلصت تصوير الفيلم وأنا عاوزه أكتب حاجة لتامر حسني بس كل ماجي أكتب حاجة أحس إن الكلام مش هيوفيه حقه في وقوفه جمبي وإيمانه بيا من أول الفرصة العظيمة اللي أدهالي مرورا بوقوفه في ضهري أثناء تصوير الفيلم ودعمه الدائم ليا ومساندته في كل تفصيلة في الشغل وخوفه عليا شكراً أخويا تامر حسني إنك ادتني فرصه العمر وربنا يكتبلنا النجاح زي ماحلمنا تامر حسني مصنع الطاقة الإيجابية".
بدوره أعاد تامر نشر ما كتبته سارة، وعلق بالقول: "يا أستاذة سارة أنا اللي بشكرك على شغلك العظيم في الفيلم وأنا قدمتك بالفيلم دا ووثقت فيكي عشان رؤيتك المختلفة اللي حسيتها وشوفتها فيكي ولما اشتغلنا الفيلم حسيت إني واقف قصاد مخرجة بتخرج من 30 سنة من جمال وقوة رؤيتك أنا اللي فخور بيكي وبشغلك ربنا يكرمك يا سارة وكرمنا معاكي.. انتظروا بعون الله فيلم ​مش أنا​ إخراج الرائعة سارة وفيق".