في أول ظهور إعلامي لها بعد وفاة شقيقها يوم الإثنين الماضي، إنهارت الممثلة المصرية ميار الببلاوي على الهواء مباشرة عند الحديث عن الموضوع، إذ رثته بقصيدة أثناء تقديم برنامجها "أنا حوا" معربة عن حزنها الشديد لرحيله.


وقالت:"قالوا الخال والد.. قولت أخويا زيادة عن الناس..قال الصعايدة قلبهم جامد قولت أخويا كتلة من الحنية والاحساس.. رحلت يا ولد أبويا.. رحلت أوام مقولتيليش بس دا قضاء ربنا وادينا اهو صابرة ومبشتكيش .. غيرش بس الفرقة صعبة يا ضهري وسندي ".
وأضافت: "شريط حياتنا قدام عنيا لما بيعدي.. وقفت الصورة قدامي صورة صورة كأنها في قلبي محفورة .. فاكر لبس العيد.. فاكر قسمة اللقمة بينا .. فاكر الكلام اللي محدش يفهمه غيرنا يا قليل الكلام يا شقيقي رافعة بيك راسي وسط الخلايق والكون".
وتابعت: "يا مليح الخلق والخلقة يا هايل في خلقاتك تلبس البدلة كأنك ظابط ووكيل نيابة وتلبس الجلبية كأنك عمدة والعمودية لحد بابك جاتك ..ويوم ما قالوا مت انقسم ضهري نصين".